इयत्ता १० वी परीक्षेसाठी महत्वाचे विज्ञान आणि तंत्रज्ञान भाग १ व भाग २ परीक्षेला जाण्यापूर्वी हे नक्की करा..

इयत्ता १० वी परीक्षेसाठी महत्वाचे

विज्ञान आणि तंत्रज्ञान भाग १ व भाग २

परीक्षेला जाण्यापूर्वी हे नक्की करा..

• महत्वाच्या संकल्पना पूर्ण व काळजीपूर्वक वाचा.
• सर्व नियम व व्याख्या नीट वाचा ,त्यातील महत्वाचे व वैज्ञानिक शब्द लिहिण्याचा सराव करा.
• नामनिर्देशित केलेल्या आकृत्या पुन्हा एकदा नीट ,काळजीपूर्वक अभ्यासा.
• आकृत्यांशी संबंधित असलेली स्पष्टीकरणे नीट वाचा.
• शास्त्रीय कारणे वाचा,त्यांचे शास्त्रीय मुद्दे व शास्त्रीय शब्द नीट अभ्यासा.
• सर्व सूत्र एकदा न पाहता लिहून काढा.
• सूत्रातील चिन्हांचे अर्थ वाचा.
• विज्ञान आणि तंत्रज्ञान भाग १ मध्ये भौतिकशास्त्र या भागातील म्हणजेच प्रकरण १,४,५,६,७ व अवकाश मोहिमा यातील पुस्तकात सोडवून दाखविलेली उदाहरणे ,स्वाध्यायातील सोपी उदाहरणे नक्की वाचा, सोडवून पाहा.
• विज्ञान आणि तंत्रज्ञान भाग १ मध्ये रसायनशास्त्र या भागासाठी प्रकरण २ मधील आधुनिक आवर्तसारणी नीट वाचा. आधुनिक आवर्तसारणीमधील पहिली २० मूलद्रव्य , त्यांचे अणूअंक, खंड,आवर्त  ,इलेक्ट्रॉन संरूपण तुम्हाला माहिती असणे गरजेचे आहेत.
• रासायनिक समीकरणाचे प्रकार, रासायनिक समीकरणे आणि रासायनिक समीकरण संतुलित करणे हा भाग नक्की वाचा.
• रचनासूत्रे,त्यांची आय.यु.पी.ए.सी.नावे, क्रियात्मक गट हा भाग नक्की वाचा .
• पाठ्यपुस्तकात विविध कृती दिल्या आहेत त्या नीट वाचा आणि समजून घ्या.
• संकल्पनांचे उपयोजन योग्य पद्धतीने ,काळजीपूर्वक अभ्यासा.
• विज्ञान आणि तंत्रज्ञान भाग २ मध्ये प्रकरण ४,५,९,१० मधील बऱ्याच संकल्पना दैनंदिन जीवनाशी संबंधित आहेत ,त्यांचा दैनंदिन जीवनातील उदाहरणांसोबत संबंध जोडून उपयोजनात्मक पातळीवर अभ्यास करा व विचार करा.
• विज्ञान आणि तंत्रज्ञान भाग २ मध्ये प्रकरण १,२,३,६,७,८ यातील सोप्या आकृत्या काढून पहा व इतर आकृत्या व त्यांचे स्पष्टीकरण नीट अभ्यासा.
• व्यवस्थित उमटणारे ,पूर्ण शाई असणारे पेन(निळ्या,किंवा काळ्या रंगाचे),योग्य टोक असलेली पेन्सिल, खोडरबर, पट्टी,hall तिकीट आधीच तयार ठेवा.
• रात्री उशिरापर्यंत जागरण टाळा .पूर्ण विश्रांती घ्या.
• बाहेरचे खाणे टाळा .घरचे ताजे व पौष्टिक अन्न खा.

कृतीपत्रिका सोडविताना हे महत्वाचे ..

• उत्तर पत्रिकेला बारकोड स्टीकर ,होलोक्राफ्ट नीट चिकटवा.
• प्रश्न शांतपणे, काळजीपूर्वक, नीट वाचा आणि समजून घ्या, नंतरच उत्तर लिहायला सुरुवात करा.
• आकृती शास्त्रीयदृष्ट्या योग्य,अचूक व नामनिर्देशित असलेली काढा.
• नवीन प्रश्न नवीन पानावर सुरु करा.
• प्रश्न क्रमांक नीट टाका.
• शक्यतोवर क्रमवार प्रश्न सोडवा, उत्तरे लिहिताना प्रश्नांचा क्रम बदलू नका.
• अनिवार्य प्रश्न आधी सोडवा.
• आवश्यक तेवढे मुद्देसूद स्पष्टीकरण लिहा.उत्तराच्या स्पष्टीकरणास आवश्यकता असल्यास नामनिर्देशित आकृती काढा.
• उदाहरण सोडविताना दिलेली माहिती,योग्य सूत्र,आवश्यक आकडेमोड,पूर्ण वाक्यात उत्त्तर व उत्तरला योग्य एकक द्या.
• एखाद्या प्रश्नाचे उत्तर रद्द करायचे असल्यास ते पूर्ण खोडा व पुन्हा योग्य प्रश्न क्रमांक टाकून योग्य उत्तर लिहा.
• खोडलेल्या भागावर over writing करू नका.
• पुरेसा वेळ असल्यास ,उत्तरामध्ये महत्त्वाचे शब्द अधोरेखित करा.
• सोडविलेले प्रश्न पुन्हा एकदा नीट तपासून पहा.
•  त्यानंतरच वेळ उरला तर वैकल्पिक (ऑप्शनल) प्रश्न सोडवा.
• कच्च्या कामासाठी शेवटचे पान वापरा.
• पुरवणी हवी असल्यास अर्धे पान शिल्लक असतानाच पुरवणी मागा.पुरवणीवर रोल नंबर ,पुरवणी क्र.टाका व लिहिण्यास सुरुवात करा.
• Warning bell झाल्यावर पुरवणी बांधा.मुख्य पानावर पुरवण्यांची संख्या लिहा.

कृतीपत्रिका सोडविताना वेळेचे नियोजन असे करा…..

शिल्लक राहिलेला वेळ उत्तरपत्रिका तपासण्यासाठी वापरा.यात प्रथम बहुपर्यायी प्रश्न१.अ,

वस्तुनिष्ठ प्रश्न-१.ब तपासा.नामनिर्देशित आकृत्या तपासा.शास्त्रीय कारणे-२.अ  व इतर प्रश्न तपासा.

डॉ.प्राची राहुल चौधरी .

सेवासदन पुणे

सदस्य-विज्ञान पाठ्यपुस्तक निर्मिती मंडळ  ,बालभारती पुणे